៨ យ៉ាងដែលជាមូលហេតុធ្វើឲ្យអ្នកជុំវិញខ្លួន មិនចូលចិត្តមិត្តប្រុសយើង
ការដែលក្រុមគ្រួសារ និងមិត្តភ័ក្ដិមិនចូលចិត្តសង្សារយើងមិនមែនគ្មានហេតុផលឡើយ។ ៨ យ៉ាងខាងក្រោមនេះបង្ហាញពីដើមទង ដែលធ្វើឲ្យអ្នកនៅជុំវិញខ្លួនមិនចូលចិត្តមិត្តប្រុសយើង៖
១.ព្រោះតែយើងស្រលាញ់គេខ្លាំងពេកដោយមិនស្ដាប់ ឬខ្វល់ពីនរណានិយាយអ្វីទាំងអស់ ដូចនេះហើយបានជាអ្នកដទៃមិនចូលចិត្តមិត្តប្រុសយើងដែរ។
២.ហេតុផលមួយទៀតនោះ ព្រោះយើងកាន់ជើងសង្សារខ្លាំងពេក ទោះដឹងគេខុសក៏នៅតែថាគេត្រូវ។
៣.ចំណែកហេតុផលមួយផ្សេងទៀតនោះ ព្រោះតែយើង និងសង្សារចូលចិត្តបណ្ដើរគ្នាទៅណាមកណាមកចេះក្រែងរអែងចិត្តអ្នកដទៃ។
៤.មកពីយើងចំណាយពេលជាមួយមិត្តប្រុសច្រើនពេក រហូតភ្លេចគ្រួសារ និងមិត្តភ័ក្ដិ ទើបធ្វើឲ្យពួកគេស្អប់សង្សារយើង។
៥.ឈ្លក់វង្វេងនឹងមិត្តប្រុសរហូតមិនខ្វល់ខ្វាយពីការរៀនសូត្រ ឬធ្វើការងារអ្វី។
៦.ត្រឹមជាសង្សារ តែយើងបែរជាបង្ហាញកាយវិការស្និទ្ធស្នាលពេកនៅចំពោះមុខចាស់ទុំ ក៏អាចជាមូលហេតុធ្វើឲ្យគេមិនពេញចិត្តដែរ។
៧.សមត្ថភាព, កម្រិតយល់ដឹង ឬវណ្ណៈគ្រួសារមិនដល់ខាងយើង ក៏ជាមូលហេតុដែលអ្នកជុំវិញយើងមើលមិនឃើញថាដៃគូយើងល្អដែរ។
៨.រីឯមូលហេតុមួយទៀតនោះ ព្រោះសំណព្វចិត្តយើងនឹងចូលចិត្តនិយាយអួតអាងខ្លាំងពេក តែធាតុពិតមិនមានអ្វីសោះ៕
ប្រភព៖ Kanha Sabay
No comments