អស់អារម្មណ៍ស្រឡាញ់ ហេតុអ្វីបានជាដូច្នេះ?
បង្កើតអារម្មណ៍ស្រឡាញ់អាចចំណាយពេលយូរ ឬឆាប់អាស្រ័យទៅតាមមនុស្សម្នាក់ៗ ហើយ អារម្មណ៍នោះក៏អាចបាត់បង់ទៅវិញនៅថ្ងៃណាមួយដែរ។ មានមូលហេតុច្រើនយ៉ាងដែលអ្នកអាចមានអារម្មណ៍ថាដូចជាអស់ចិត្តស្រឡាញ់ ហើយអ្វីៗប្រែប្រួលខុសពីមុន៖
១. មកពីស្រឡាញ់លឿនពេក៖ ចូលចិត្តមនុស្សម្នាក់ចំណាយពេលតែ១នាទីប៉ុណ្ណោះ ប៉ុន្តែការស្រឡាញ់ត្រូវការរយៈពេលយូរជាងនេះ។ កុំច្រឡំរវាងអារម្មណ៍ទាំងពីរនេះឲ្យសោះ។
២. រំពឹងខ្ពស់ជ្រុល៖ កាន់តែរំពឹងគឺកាន់តែខកចិត្ត។ ពេលដែលដៃគូមិនអាចផ្ដល់ឲ្យបានតាមការរំពឹងទុក យើងក៏អស់ការស្រឡាញ់បន្តិចម្ដងៗ។
៣. មិនបានត្រៀមខ្លួន៖ នឹងស្រឡាញ់ក៏ស្រឡាញ់ដោយមិនបានត្រៀមអ្វីសោះ។ ស្នេហាមិនមែនមានតែការស្រឡាញ់មួយមុខទេ តែក៏មានការលះបង់ ការព្យាយាម និងការចេះអត់អោនឲ្យគ្នាដែរ។
៤. លែងឲ្យតម្លៃដូចមុន៖ ពេលវេលាចេះតែកន្លង ស្នេហាក៏មានការផ្លាស់ប្ដូរដែរ។ នៅក្បែរគ្នារយៈពេលយូរអាចធ្វើឲ្យអ្នកទាំងពីរមានអារម្មណ៍មិនដូចពីដំបូងនោះទេ៕
ប្រភព៖ Kanha
No comments