កុំឆ្ងល់អី! នេះជាមូលហេតុមិត្តប្រុសមិនចូលចិត្តឆ្លើយសំណួរយើង
១. គេហត់ក្នុងការឆ្លើយ៖ បន្ទាប់ពីបំពេញការងារពេញមួយថ្ងៃ គេប្រាកដជាអស់កម្លាំងណាស់។ បើយើងចង់ដឹងរឿងអ្វី ហើយគិតតែពីសួរគេនោះ ប្រាកដណាស់ថាគេមិនសប្បាយចិត្តទេ។
២. រឿងខ្លះមិនអាចចែករំលែកបាន៖ វាមិនមែនជារឿងសំងាត់ផិតក្បត់អ្វីទេ គ្រាន់តែការគិតខ្លះគេចង់រក្សាជាគំនិតផ្ទាល់ខ្លួនប៉ុណ្ណោះ។
៣. មិនចង់ឲ្យប៉ះពាល់អារម្មណ៍យើង៖ ចំពោះរឿងខ្លះ ពេលឆ្លើយការពិតទៅ វាអាចប៉ះពាល់ដល់អារម្មណ៍យើងបាន។ ដើម្បីបញ្ចៀសបញ្ហានេះ គេក៏ជ្រើសរើសមិននិយាយតែម្ដង។ ក្នុងករណីនេះ គឺគាត់គិតពីយើងនោះឯង។
៤. ពេលខ្លះគាត់មិនឆ្លើយមកពីគាត់មិនដឹង៖ យើងប្រហែលចង់បានចម្លើយភ្លាមៗទៅលើរឿងអ្វីមួយដែលយើងសួរគាត់ ដូចជាពេលរើសខោអាវនៅផ្សារជាដើម។ គាត់អាចមិនឆ្លើយព្រោះតែគាត់មិនយល់ពីរឿងអស់នេះទេ។
៥. មិនច្បាស់ថាយើងចង់បានអ្វី៖ សំណួរខ្លះពិតជាគ្រោះថ្នាក់ណាស់។ ឧទាហរណ៍ដូចជាពេលសួរថា តើចូលចិត្តម៉ូដសក់កាត់ថ្មីទេ? បើគាត់ឆ្លើយថាមិនចូលចិត្ត យើងប្រាកដជាមិនសប្បាយចិត្តហើយ។ តែបើម៉ូដសក់នោះមិនសូវស្អាត តែគាត់ឆ្លើយថាស្អាត យើងអាចថាគាត់កុហក។ សួរថាគាត់គួរទៅផ្លូវណា?
ដូចនេះស្រីៗគួរយល់ពីចំណុចខុសគ្នានេះ។ បើសួរសង្សារគេមិនទាន់ឆ្លើយ កុំឆាប់អន់ចិត្តអី ត្រូវគិតកត្តាទាំងនេះសិន៕
ប្រភព៖ Kanha Sabay
No comments