កុំសេពគប់មនុស្សប្រុស ៦ ប្រភេទនេះជាដៃគូ បើមិនចង់ទឹកភ្នែកនៅថ្ងៃក្រោយ
វាជារឿងសំខាន់មួយដែលអ្នកត្រូវគិតគូរមុនពេលដែលអ្នកសម្រេចចិត្តជ្រើសរើសអ្នកណាម្នាក់ជាដៃគូ ហើយបើអ្នកជួបមនុស្សប្រុសប្រភេទនេះ អ្នកគួរតែចៀសវាងទៅ៖
1. បុរសសង្ហារតែរូប ប៉ុន្តែមិនឆ្លាត៖ បើអាចអ្នកគួរតែរកមនុស្សប្រុសណាដែលឆ្លាតទើបល្អ ព្រោះគាត់អាចដោះស្រាយបញ្ហា និងគ្រប់គ្រងស្ថានការណ៍បានដោយឆ្លាតវ័យ ។
2. មនុស្សប្រុសដែលខ្ជិលខ្លាំង ៖ ខ្ជិលតិចតួចមិនជាបញ្ហាទេ ប៉ុន្តែបើគេខ្ជិលមិនចង់ធ្វើអីសោះ នោះអ្នកគួរតែកុំសេពគប់អីព្រោះទៅថ្ងៃក្រោយអ្នកគ្មានការរីកចម្រើននោះទេហើយកុំរំពឹងថារៀបការហើយគេផ្លាស់ប្ដូរនោះ។
3. មនុស្សប្រុសដែលចូលចិត្តផឹកស្រា ៖ អ្នកមិនគួរយកខ្លួនទៅពាក់ព័ន្ធមនុស្សដែលយកស្រាដាក់ខ្លួននោះទេ បើអ្នកមិនចង់គ្រាំចិត្តនៅថ្ងៃក្រោយ ព្រោះអ្នកដឹងហើយថាមនុស្សដែលស្រវឹងគឺបែបណា។
4. មនុស្សប្រុសដែលក្បត់អ្នកផ្សេងមកស្រឡាញ់អ្នក៖ គេអាចក្បត់អ្នកមុនដើម្បីអ្នក នោះគេក៏អាចក្បត់អ្នកដើម្បីអ្នកផ្សេងបានដូចគ្នា ព្រោះគេមានទម្លាប់បែបនេះទៅហើយ។
5. មនុស្សប្រុសដែលមិនគាំទ្រអ្វីដែលអ្នកធ្វើ ៖ គេតែងតែរិះគន់អ្នក តែងតែចាប់កំហុស ចំអកឲ្យអ្នក និងតែងតែធ្វើឲ្យអ្នកអារម្មណ៍មិនល្អ នោះអ្នកមិនគួរទាក់ទងនោះទេព្រោះវាអាចឲ្យអ្នកមានសម្ពាធផ្លូវចិត្ត។
6. មនុស្សប្រុសដែលមិនគោរពម្ដាយ និងមនុស្សស្រីដទៃទៀត ៖ បើគេជាមនុស្សបែបនោះមែនអ្នកគួរតែចេញឲ្យឆ្ងាយទៅ ព្រោះថ្ងៃក្រោយអ្នកក៏អាចបែបនោះដែរ ព្រោះសូម្បីតែម្ដាយគេក៏គេមិនគោរពផង ចុះទម្រាំអ្នកទៀត។
ការសម្រេចចិត្តខុសនឹងនាំអ្នកទៅកាន់ផ្លូវខុស ដូច្នេះអ្នកត្រូវជ្រើសរើសមនុស្សប្រុសម្នាក់ដែលអ្នកអាចរស់នៅជាមួយនិងនាំអ្នកទៅកាន់សុភមង្គល។
ប្រភព៖ Kanha
No comments