ចូលដល់វ័យ២០ឆ្នាំហើយមែនទេ? ស្រីៗ! អ្នកគួរនិយាយពាក្យលាទៅរឿងទាំងនេះ

Na Blog 3:06 AM សង្គម និងជីវិត, ស្ត្រី

ក្នុងយុវវ័យ ជីវិតយើងគឺពោរពេញទៅដោយភាពរញ៉េរញ៉ៃព្រោះពេលខ្លះក៏ឡើង ពេលខ្លះក៏ធ្លាក់ចុះ មិនទាន់ដឹងថានឹងសម្រេចបំណងយើងពេលណា ឬដោយរបៀបណាជាដើម។ ប៉ុន្តែ បើអ្នកចូលដល់វ័យ២០ឆ្នាំ ឬ ២០ឆ្នាំជាងហើយ ដល់ពេលត្រូវនិយាយពាក្យលាទៅកាន់រឿងមួយចំនួនដើម្បីធ្វើជាខ្លួនឯងពិតប្រាកដហើយ៖

១. មិនចាំបាច់ត្រូវពន្យល់ពីការសម្រេចចិត្តរបស់យើងទៀត៖ ការសម្រេចចិត្តរបស់យើងគឺជាការទទួលខុសត្រូវរបស់យើងខ្លួនឯង។ បំភ្លេចទៅអ្នកដែលចាំសួរពីជីវិតយើងមិនចេះចប់មិនចេះហើយនោះ។

២. លែង Drama ទៀត៖ យើងបានចំណាយពេលគ្រប់គ្រាន់ហើយសម្រាប់រឿងអស់នេះ។ ដល់ពេលត្រូវប្រឈមនឹងអ្វីដែលពិតប្រាកដក្នុងជីវិតម្ដង។

៣. បញ្ឈប់ការយកចិត្តអ្នកដទៃ៖ មុនចេញទៅក្រៅម្ដងៗត្រូវមើលកញ្ចក់ ១០០ ដងដើម្បីឲ្យច្បាស់ក្នុងចិត្តថាមិត្តយើងមិនសើចពីយើងទេ។ ត្រូវធ្វើជាខ្លួនឯងដោយមានទំនុកចិត្ត។ យើងតែងខ្លួន ឬមិនតែងមិនមែនដើម្បីផ្គាប់ចិត្តនរណាម្នាក់ទេ។

៤. លែងបណ្ដោយខ្លួនតទៅទៀត៖ ត្រូវស្រឡាញ់ខ្លួនឯងឲ្យខ្លាំងៗ និងច្រើនៗ។ ញ៉ាំម្ហូបឲ្យត្រឹមត្រូវ និងហាត់ប្រាណឲ្យបានទៀងទាត់ដើម្បីសុខភាពយើង។

៥. ឈប់ប្រៀបធៀបខ្លួនឯងជាមួយហ្នឹងអ្នកដទៃ៖ តែត្រូវប្រៀបធៀបខ្លួនយើងពេលឥឡូវជាមួយខ្លួនយើងពីមុនវិញ៕

ប្រភព៖ Kanha Sabay

No comments

Subscribe to: Post Comments ( Atom )