វិធី៤យ៉ាងធ្វើឲ្យសង្សារចាស់ស្ដាយបោកខ្លួន ដែលបានបោះបង់អ្នកចោល

Na Blog 8:59 PM គ្រួសារ និងស្នេហា, ស្នេហាយុវវ័យ

គេតែងនិយាយថា វិធីសងសឹកដ៏មានប្រសិទ្ធភាពបំផុតគឺរស់នៅឲ្យមានសេចក្ដីសុខ។ ដូចនេះ បើអ្នកធ្វើរឿងទាំង៤ខាងក្រោមនេះបាន អតីតសង្សាររបស់អ្នកនឹងស្ដាយក្រោយជាមិនខានដែលបាត់បង់អ្នក។

១. ធ្វើល្អដាក់អ្នកថ្មី

នៅពេលដែលអ្នកធ្វើទង្វើល្អៗដាក់សង្សារថ្មីដែលមិនធ្លាប់បានធ្វើពីមុនជាមួយអ្នកចាស់នោះ អតីតសង្សាររបស់អ្នកនឹងទ្រាំមិនបាន ព្រោះគេមិនធ្លាប់មានអារម្មណ៍ដែលត្រូវបានគេយកចិត្តទុកដាក់ខ្លាំងដូចនេះ។ ជាក់ស្ដែង អ្នកអាចដើរលេងឆ្ងាយៗ នៅមាត់សមុទ្ររួចបង្ហោះលើបណ្ដាញសង្គមឲ្យគេបានឃើញនូវអ្វីដែលអ្នកកំពុងសោយសុខ ខុសពីការនៅក្បែរគេ។

២. នៅតែជាខ្លួនឯងតែស្អាតជាងមុន

ផ្លាស់ប្ដូរម៉ូដសក់ ស្ទីលស្លៀកពាក់ ចេះថែរក្សាខ្លួនជាងមុន ក្លាយជាមនុស្សស្អាតជាងកាលពីមុន ក៏គ្រប់គ្រាន់ធ្វើឲ្យស្ដាយក្រោយដែលហ៊ានបោះបង់មនុស្សស្អាតដូចជាយើង។

៣. បើអ្នកចាស់ទូរស័ព្ទមក សូមលើកហើយនិយាយថា៖ "អ្នកណាគេហ្នឹង?”

បើទោះបីជាអ្នកដឹងច្បាស់១០០%ថាអ្នកជាណាជាអ្នកខលមកក៏ដោយ តែកុំភ័យខ្លាចឲ្យសោះ ហើយត្រូវលើកដោយសួរថា "ណាគេហ្នឹង?” ធានាថាសង្សារចាស់អ្នក នឹងខឹងដាច់ក្បាលដាច់កន្ទុយនៅពេលអ្នកមានចេតនាធ្វើភ្លេចគេដូចនេះ។ ជាធម្មតា គេនឹងគិតថាខ្លួនឯងសំខាន់ខ្លាំងណាស់ចំពោះអ្នក ជាពិសេសបើគេជាអ្នកសុំបែកគ្នា។ តែអ្នកត្រូវតែឲ្យគេដឹងថា អ្នកអាចបំភ្លេចគេក្នុងរយៈដ៏ឆាប់បំផុត។

៤. ធ្វើរាល់អ្វីដែលសង្សារចាស់ហាមប្រាម

កាលពីមុន អ្នកត្រូវគេហាមប្រាមរឿងជាច្រើនដូចជាមិនឲ្យស្លៀកខ្លីពេក មិនឲ្យផាត់មុខ ជួបជុំមិត្តភ័ក្ដិជាដើម។ នៅពេលនេះ អ្នកអាចធ្វើរឿងទាំងនេះដោយបើកចំហឲ្យគេបានដឹងថា គ្មានគេ ជីវិតរបស់យើងគឺមិនសេចក្ដីសុខ និងសេរីភាពពេញទំហឹង គឺគ្មានអ្នកណាចងជើងយើងទៀតទេ៕

ប្រភព៖ Kanha

No comments

Subscribe to: Post Comments ( Atom )