ញ៉ាំទឹកក្ដៅឧណ្ហៗជារៀងរាល់ព្រឹកអ្នកនឹងទទួលបានអត្ថប្រយោជន៍គួរឲ្យភ្ញាក់ផ្អើល
ការទទួលទឹកគឺសំខាន់ណាស់សម្រាប់ការរស់នៅរបស់មនុស្ស ប៉ុន្តែរឹតតែប្រសើរនោះគឺការទទួលទានទឹកក្ដៅឧណ្ហៗនៅពេលព្រឹក ដែលវាបានផ្ដល់នូវអត្ថប្រយោជន៍យ៉ាងច្រើនហួសស្មានដល់អ្នក ៖
1. ការពារកុំឲ្យចាស់មុនអាយុ ៖ ទឹកក្ដៅអាចជួយសម្អាតជាតិពុលចេញពីរាងកាយ។ លើសពីនេះទៀតវាអាចជួយជួសជុលកោសិកាស្បែក ដែលអាចនាំឲ្យស្បែកអ្នកស្រស់ស្អាត ហើយមើលទៅក្មេងជាងមុន។
2. សម្រាលនូវការឈឺចាប់ ៖ វាពិតជាមានប្រសិទ្ធភាពក្នុងការបំបាត់ការឈឺចាប់ពេលមករដូវ។ម្យ៉ាងទៀតទឹកក្ដៅឧណ្ហៗគឺជាឱសថសម្រាប់បន្ថយការឈឺចាប់គ្រប់ប្រភេទដែលវាធ្វើឲ្យឈាមរត់កាន់តែប្រសើរឡើង និងជួយសម្រួលសាច់ដុំនៃរាងកាយ។
3. ជួយសម្រកទម្ងន់ ៖ ការផឹកទឹកក្ដៅឧណ្ហៗនៅពេលព្រឹកមានប្រយោជន៍ណាស់ក្នុងការជួយឲ្យអ្នកស្រកទម្ងន់ ព្រោះវាបង្កើនសីតុណ្ហភាពក្នុងខ្លួនរបស់អ្នកដែលបង្កើនអត្រាការរំលាយអាហាររបស់អ្នក និងដុតបំផ្លាញជាតិខ្លាញ់ក្នុងខ្លួនរបស់អ្នក។
4. ជំនួយដល់ការរំលាយអាហារ ៖ ផឹកទឹកក្ដៅឧណ្ហៗនៅពេលព្រឹកវានឹងជំរុញសម្រួលដល់ប្រព័ន្ធរំលាយអាហាររបស់អ្នកដែលធ្វើឲ្យអាហារដែលអ្នកញ៉ាំឆាប់រំលាយនិងជួយឲ្យរាងកាយរបស់អ្នកកាន់តែប្រសើរឡើង។
5. ជួយឲ្យឈាមរត់បានស្រួល ៖ ការដែលទទួលទានទឹកក្ដៅឧណ្ហៗនៅពេលព្រឹក គឺអាចជួយលាងសម្អាតជាតិពុលនៅក្នុងរាងកាយទាំងមូល ដែលជួយចរាចរឈាមបានល្អ និងលុបបំបាត់ការរត់មិនបានល្អនៃឈាម ហើយថែមទាំងជួយដល់លំហូរឈាម។
6. សម្រួលដល់ការទល់លាមក ៖ ការផឹកទឹកក្តៅឧណ្ហៗមុនពេលដែលអ្នកបានបរិភោគអ្វីនោះ វាអាចជួយបង្កើនចលនាពោះវៀនរបស់អ្នកដែលអាចជួយឲ្យអ្នកស្រួលក្នុងការបន្ទោបង់ និងកាត់បន្ថយការទល់លាមកបានយ៉ាងប្រសើរ។
7. សម្រួលដល់ការគេង ៖ ការញ៉ាំទឹកក្ដៅឧណ្ហៗក្នុងកំឡុងពេលញ៉ាំអាហារពេលព្រឹក ជាពិសេសអាហារពេលល្ងាច និង មុនពេលចូលគេង គឺវាបានជួយឲ្យរាងកាយអ្នកសម្រាក ហើយសម្រួលដល់ប្រព័ន្ធប្រសាទអ្នក ដែលធ្វើឲ្យអ្នកគេងលក់ស្រួល និងមិនធ្វើទុកអ្វីដែលប៉ះពាល់ដល់ដំណេកអ្នក។
ដូច្នេះអ្នកគួរតែព្យាយាមញ៉ាំទឹកក្ដៅឧណ្ហៗនៅពេលព្រឹក ក៏ដូចជាពេលដែលញ៉ាំអាហារល្ងាចរួច ព្រោះវាមានប្រយោជន៍ខ្លាំងណាស់ដល់សុខភាពអ្នក។
ប្រភព៖ Kanha
No comments